టాలీవుడ్ సూపర్స్టార్ మహేశ్‌బాబు హీరోగా, రష్మిక హీరోయిన్గా నటిస్తోన్న చిత్రం 'సరిలేరు నీకెవ్వరు'. సంక్రాంతికి విడుదలవుతోన్న ఈ సినిమా ప్రమోషన్స్లో జోరుపెంచింది చిత్రబృందం. ప్రతి సోమవారం ఓ పాటను విడుదల చేస్తూ అభిమానులను ఖుష్ చేస్తోంది. తాజాగా వచ్చే సోమవారం (డిసెంబర్ 16) విడుదల చేయబోయే పాటకు సంబంధించిన వివరాలను కథానాయిక రష్మిక నెట్టింట పంచుకుంది.
'హీ ఈజ్ క్యూట్, హీ ఈజ్ స్వీట్' అంటూ పాటకు స్టెప్పులేసిన వీడియోను సామాజిక మాధ్యమాల్లో పంచుకుంది రష్మిక. ఇది కాస్త ప్రస్తుతం సామాజిక మాధ్యమాల్లో వైరల్గా మారింది.