Pushpa movie: ముద్దుగుమ్మ సమంత తొలిసారి చేసిన స్పెషల్ సాంగ్ 'ఊ అంటవా ఊహు అంటవా'. 'పుష్ప' సినిమాలోని ఈ పాటకు ప్రేక్షకుల నుంచి విశేషాదరణ లభిస్తోంది. యూట్యూబ్, థియేటర్లో అనే తేడా లేకుండా ఫ్యాన్స్కు పూనకాలు తెప్పిస్తోంది. ఇప్పుడు ఈ గీతం సరికొత్త రికార్డు సృష్టించింది.
అన్ని భాషల్లో కలిపి ఈ లిరికల్ వీడియో 100 మిలియన్ వ్యూస్ సాధించింది. ఈ సందర్భంగా కొత్త పోస్టర్ను రిలీజ్ చేశారు. అలానే సమంత కూడా తన్ ఇన్స్టాలో ఓ పోస్ట్ పెట్టింది. "గుడ్, బ్యాడ్, ఫన్నీ, సీరియస్, టాక్ షో హోస్ట్గా ఇలా అన్నింట్లో కష్టపడి పనిచేశాను. అలానే సెక్సీగా కనిపించడానికి చాలా హార్డ్వర్క్ చేయాలి" అని రాసుకొచ్చింది.