Oo antava video song: 2021లో విడుదలై సెన్సేషన్‌గా మారిన 'ఊ అంటావా.. ఊఊ అంటావా' గీతం ఫుల్ వీడియో వచ్చేసింది. సమంత నర్తించటం వల్ల ఈ పాట లిరికల్‌ వీడియోనే యూట్యూబ్‌లో రికార్డు సృష్టించింది. విడుదలైన క్షణం నుంచే లక్షల వ్యూస్ సొంతం చేసుకుని, ఫుల్ వీడియో ఎప్పుడొస్తుందా? అని అందరూ ఎదురుచూసేలా చేసింది. ఆ క్షణం రానే వచ్చింది. సోషల్‌ మీడియా వేదికగా 'పుష్ప' చిత్ర బృందం ఈ ప్రత్యేక గీతం ఫుల్ వీడియోను విడుదల చేసింది. అల్లు అర్జున్- సమంత స్టెప్పులు, వారి హావభావాలు అందరినీ కట్టిపడేసేలా ఉన్నాయి. అల్లు అర్జున్ వైవిధ్యభరిత మ్యానరిజం మెప్పిస్తోంది. సమంత స్టార్‌ నాయికగా రాణిస్తూనే ఈ ఐటెమ్‌లో నర్తించటం వల్ల ప్రేక్షకుల్లో ఆసక్తి పెరిగింది. అలా అందరి అంచనాల్ని అందుకుని ఆమె తానేంటో నిరూపించింది.
సినిమా ఓటీటీలోకి వచ్చేసింది..