శర్వానంద్, సమంత నటిస్తోన్న కొత్త చిత్రం '96.' గతేడాది తమిళంలో పెద్ద విజయం సాధించిన ఈ సినిమాను తెలుగులో అదే పేరుతో రీమేక్ చేస్తున్నారు. తమిళంలో విజయ్ సేతుపతి, త్రిష హీరోహీరోయిన్లుగా నటించారు. ప్రస్తుతం ఈ చిత్రంలో సమంతకు సంబంధించిన ఓ ఫోటో నెట్టింట సందడి చేస్తోంది.
మాతృకలో నటించిన త్రిషను పోలినట్టే ఉంది సమంత. మైక్ పట్టుకుని పాడుతున్న సామ్ చిత్రం సామాజిక మాధ్యామాల్లో చక్కర్లు కొడుతోంది. ఈ చిత్రానికి సంబంధించిన షూటింగ్ అప్డేట్స్ లేని కారణంగా ఇంతకాలం సినిమా ప్రారంభమైందో లేదో అన్న వార్తలు వచ్చాయి. తాజాగా సమంత ఫొటో బయటకు రావడం వల్ల అనుమానం తీరినట్టే అనిపిస్తుంది.