బాలీవుడ్ కండలవీరుడు సల్మాన్ఖాన్ నటించిన 'ట్యూబ్లైట్' చిత్రం ఓవర్రేటెడ్ సినిమా అని ప్రముఖ దర్శకుడు అమిత్ శర్మ అభిప్రాయపడ్డారు. తాను ఈ చిత్రానికి దర్శకత్వం వహించి ఉంటే ఇంకా మంచిగా తెరకెక్కించేవాడినని పేర్కొన్నారు. ఇటీవలే ఓ ఇంటర్వ్యూలో మాట్లాడిన అమిత్ ఈ వ్యాఖ్యలు చేశారు.
'బజరంగి భాయిజాన్', 'ఏక్ థా టైగర్' వంటి బ్లాక్బాస్టర్ చిత్రాల తర్వాత.. కబీర్ ఖాన్ దర్శకత్వంలో సల్మాన్ నటించిన మూడో సినిమా 'ట్యూబ్లైట్'. 2015లో వచ్చిన లిటివ్ బాయ్ సినిమా ఆధారంగా తెరకెక్కింది. 1962లో భారత్-చైనా మధ్య జరిగిన యుద్ధ నేపథ్యంలో రూపొందిన చిత్రం ట్యూబ్లైట్.
మరోవైపు అమిత్ శర్మ దర్శకత్వంలో వచ్చిన 'బధాయ్ హో' చిత్ర కథానాయకుడు ఆయుష్మాన్ ఖురానా గురించి మాట్లాడుతూ.. "అతను గమ్మత్తు మనిషి. ఆయుష్మాన్కు సెన్స్ ఆఫ్ హ్యూమర్ చాలా ఉంది. అతనికి ఎన్నో జోకులు వచ్చు. అవన్నీ అద్భుతమైనవే." అని అమిత్ వివరించారు.
ప్రస్తుతం అమిత్ శర్మ దర్శకత్వం వహిస్తున్న చిత్రం 'మైదాన్'. అజయ్ దేవగన్ ప్రధాన పాత్రలో నటిస్తున్న ఈ సినిమా కోసం ప్రత్యేకంగా 16 ఎకరాల సెట్ను ఏర్పాటు చేశారు. ఇంతలో కరోనా కారణంగా విధించిన లాక్డౌన్, మరోవైపు రుతుపవనాల వల్ల చిత్రీకరణ నిలిచిపోయింది. మాజీ ఫుట్బాల్ ప్లేయర్ సయ్యద్ అబ్దుల్ రహీమ్ జీవితకథ ఆధారంగా ఈ సినిమా తెరకెక్కనుంది.
ఇదీ చూడండి:ప్రియాంక చోప్రా 'మల్టీమిలియన్ డాలర్' ఒప్పందం
