బాలీవుడ్లో స్టార్స్గా గుర్తింపు తెచ్చుకున్న చాలామంది యాక్టర్స్.. అనేక విషయాల్లో తమకున్న ప్రతిభను బయటపెడుతున్నారు. ఇప్పటికే చాలామంది సినీతారలు.. తమకు పెయింటింగ్ అంటే చాలా ఇష్టమని తెలిపారు. షూటింగ్ సమయంలో ఏమాత్రం ఖాళీ దొరికినా తమకు నచ్చిన చిత్రాన్ని గీస్తూ.. ఆనందాన్ని పొందుతామని అంటున్నారు. కొంతమంది లాక్డౌన్ సమయంలో చిత్రకళను నేర్చకోగా.. మరికొందరు.. తమకు చిన్నప్పటినుంచే పెయింటింగ్పై పట్టుందంటున్నారు. మరి వారి పెయింటింగ్స్పై ఓ లుక్కేద్దామా?
వేలంపాటలో అమ్మి..
బాలీవుడ్ స్టార్ సల్మాన్‌ఖాన్‌కు పెయింటింగ్ అంటే తెగ ఇష్టమట. ఇప్పటికే అనేక సందర్భాల్లో తాను గీసిన పెయింటింగ్స్ను షేర్ చేశాడు ఈ కండలవీరుడు. తన పాన్వెల్ బంగ్లాలో చిత్రకళకు సంబంధించి అనేక కలెక్షన్స్ ఉన్నాయంట. వాటిని వేలంపాటలో అమ్మేయగా వచ్చిన డబ్బును.. తన ఎన్జీఓ 'బీయింగ్ హ్యూమన్'కు తరలిస్తున్నాడంట సల్మాన్.
దేనికవి ప్రత్యేకంగా..
బాలీవుడ్ నటి సోనాక్షి సిన్హా.. తాను గీసిన పెయింటింగ్స్ను ఎప్పటికప్పుడు ఇన్స్టాలో పోస్ట్ చేస్తూ ఉంటుంది. తనకు ముఖాలను డ్రా చేయడం ఇష్టమని చెబుతోంది. ఫేస్ చిత్రం ద్వారా విజ్యువల్ స్టోరీస్ను ప్రదర్శించటం చేస్తుందట. తన స్కెచింగ్స్ దేనికవి ప్రత్యేకంగా ఉండేలా చూసుకుంటానంటోంది సోనాక్షి. ఇప్పటికే చాలా పెయింటింగ్స్ను వేలపాటంలో అమ్మి రోజూవారీ కూలీలకు నిధులు అందించింది.
పెయింటింగ్కు ఫ్యాన్స్కు సర్ప్రైజ్..
నాయికగా ఎన్నో విజయవంతమైన చిత్రాల్లో నటించింది. తెలుగులోనూ పలు హిట్ చిత్రాల్లో మెరిసింది. అయితే.. ఇలియానాకు పెయింటింగ్లోనూ మంచి ప్రతిభ ఉంది. తాను గీసిన పెయింటింగ్ను సామాజిక మాధ్యమాల్లో షేర్ చేసే ముందు.. ఆ చిత్రానికి సంబంధించి ఓ పద్యాన్ని అభిమానులతో పంచుకుంది. తర్వాత పెయింటింగ్ను ఇన్స్టాలో పోస్ట్చేసింది.