ఈద్‌ అంటే పండగ మాత్రమే కాదు.. ప్రతీ సంవత్సరం సల్మాన్ ఖాన్ కొత్త సినిమా విడుదలయ్యే రోజు. ఒక్క 2013 మినహా 2009 నుంచి ఇప్పటి వరకు ఈద్‌ కానుకగా సల్మాన్ చిత్రం విడుదలైంది. ఈ ఏడాది అదే సమయానికి ‘భారత్‌’ సినిమాతో సందడి చేశాడీ హీరో.
వచ్చే ఈద్‌కు సంజయ్‌ లీలా భన్సాలీ దర్శకత్వలో సల్మాన్ నటిస్తున్న ‘ఇన్‌షా అల్లా’ రాబోతోంది. అదే సమయంలో రోహిత్‌ శెట్టి దర్శకత్వంలో అక్షయ్ ‘సూర్యవంశీ’ని విడుదల చేయనున్నట్లు చిత్రబృందం కొద్దిరోజుల కిందట ప్రకటించింది. దీంతో సల్మాన్, అక్షయ్‌ల మధ్య పోటీ తప్పదని అనుకున్నారు. అయితే ఈ పరిస్థితిని తప్పించడానికి ‘సూర్యవంశీ’ని కాస్త ముందుగానే విడుదల చేయాలని నిర్ణయించారు.