'సైకో సైయాన్​'గా వస్తోన్న సాహో ప్రభాస్​

ఇప్పటికే టీజర్​తో భారీ స్థాయిలో అంచనాలు పెంచిన ప్రభాస్ ఈ సారి సాంగ్​తో ముందుకు రానున్నాడు. తాను నటిస్తున్న సాహోలో సైకోసైయాన్ పాట త్వరలో విడుదల కానున్నట్టు ఇన్​ స్టాలో షేర్ చేశాడు.

ప్రభాస్ నటిస్తున్న చిత్రం ‘సాహో. ప్రస్తుతం సినిమా షూటింగ్‌ ఆస్ట్రియాలో జరుపుకుంటోంది. ఈ చిత్రానికి సంబంధించిన ఓ పాటను త్వరలోనే విడుదల చేయనున్నట్లు, నటుడు ప్రభాస్ తన ఇన్‌స్టాగ్రామ్‌లో ఓ పోస్టర్‌ను షేర్‌ చేశాడు. ఆగస్టు 15న ప్రేక్షకుల ముందుకు రానుందీ చిత్రం. శ్రద్ధాకపూర్ హీరోయిన్​గా నటిస్తోంది.

"హే డార్లింగ్స్ ... ఇది సాహో మొదటి పాట 'ది సైకో సైయాన్' త్వరలో రానుంది" అంటూ ఇన్ స్టాలో పోస్ట్‌ చేశాడు.

ఇప్పటికే విడుదలైన సాహో టీజర్ ఆకట్టుకుంటోంది. యువీ క్రియేషన్స్‌ పతాకంపై నిర్మిమవుతున్న ఈ చిత్రానికి సుజీత్‌ దర్శకత్వం వహిస్తున్నాడు. బాలీవుడ్‌ నటులు నీల్‌ నితిన్‌ ముఖేష్, జాకీ ష్రాఫ్, ఎల్విన్‌ శర్మ, చుంకీ తదితరులు నటిస్తున్నారు.

ఇది చదవండి: ఆ గదిలో 'నిశ్శబ్దం'.. ఒంటరిగా అనుష్క