ప్రభాస్ నటించిన 'సాహో' చిత్రం పేరుతో వీడియో గేమ్ రూపొందించిన సంగతి తెలిసిందే. ఇప్పటికే ఐఓఎస్లో వచ్చిన ఈ గేమ్ను తాజాగా ఆండ్రాయిడ్ వినియోగదారుల కోసం గూగుల్ ప్లే స్టోర్లో అందుబాటులో ఉంచింది చిత్రబృందం. ఇటీవలే ఈ వీడియో గేమ్ ట్రైలర్ను విడుదల చేసింది.
ఈ విషయాన్ని ట్విట్టర్లో పంచుకుంది యూవీ క్రియేషన్స్ నిర్మాణ సంస్థ.
సుజీత్ దర్శకత్వం వహించిన ఈ సినిమా ఆగస్టు 30న విడుదల కానుంది. ఇప్పటికే దేశవ్యాప్తంగా ప్రమోషన్లు నిర్వహిస్తోంది చిత్రబృందం. ఆదివారం హైదరాబాద్ రామోజీ ఫిల్మ్సిటీలో సినిమా విడుదల ముందస్తు వేడుక నిర్వహించనుంది.
శ్రద్ధాకపూర్ కథానాయికగా నటిస్తోన్న ఈ సినిమాలో జాకీష్రాఫ్, నీల్ నితిన్ ముఖేశ్, వెన్నెల కిషోర్, మురళీ శర్మ తదితరులు ముఖ్య పాత్రలు పోషించారు. రూ.300 కోట్ల నిర్మాణ వ్యయంతో తెరకెక్కిన ఈ చిత్రంపై ప్రేక్షకుల్లో భారీ అంచనాలు నెలకొన్నాయి.
ఇది చదవండి: 'అ' సెంటిమెంట్ కొనసాగించిన త్రివిక్రమ్‌