యంగ్ రెబల్ స్టార్ ప్రభాస్ నటించిన 'సాహో' విడుదలకు సిద్ధమవుతోంది. ప్రచారం ముమ్మరంగా సాగుతోంది. ఇప్పటికే వచ్చిన ట్రైలర్ అంచనాల్ని పెంచేస్తోంది. ఈ సినిమా ఇప్పుడు మరో అరుదైన ఘనత సాధించింది. ట్విట్టర్లో ఎమోజీ పొందిన తొలి తెలుగు చిత్రంగా రికార్డు సృష్టించింది.
ఇప్పటివరకు హాలీవుడ్లో 'ద లయన్ కింగ్', 'అవెంజర్స్:ఎండ్గేమ్', 'స్పైడర్ మ్యాన్' వంటి చిత్రాలు ఎమోజీలు పొందాయి. ఈ జాబితాలో 'సాహో' చేరింది. ఈ విషయంతో అభిమానులు ఆనందంలో మునిగి తేలుతున్నారు.
ఎమోజీ పొందామని చెపుతూ యూవీ క్రియేషన్స్ ట్వీట్ ఇందులో శ్రద్ధా కపూర్ హీరోయిన్గా నటించింది. భారీతారాగణంతో రూపొందిన ఈ చిత్రానికి సుజీత్ దర్శకత్వం వహించాడు. యూవీ క్రియేషన్స్ సుమారు రూ.300 కోట్ల భారీ బడ్జెట్తో నిర్మించింది.
సాహో సినిమా సెన్సార్ సర్టిఫికెట్ అయితే శుక్రవారం సెన్సార్ పూర్తి చేసుకున్న 'సాహో' యూ/ఏ సర్టిఫికెట్ సొంతం చేసుకుంది. సినిమా నిడివి 2 గంటల 51 నిమిషాలు. ఆగస్టు 30న ప్రేక్షకుల ముందుకు రానుంది.
ఇది చదవండి: 'సాహో' కోసం ఎన్నో నిద్రలేని రాత్రులు: ప్రభాస్
