బాలీవుడ్ హీరో సుశాంత్ సింగ్ రాజ్పుత్ ఆత్మహత్య కేసులో సరికొత్త మలుపులు తిరుగుతున్నాయి. తాజాగా, సుశాంత్ ఫిట్నెస్ ట్రైనర్ షామి అహ్మద్ షాకింగ్ వార్తలు వెలుగులోకి తీసుకొచ్చాడు. రియా చక్రవర్తితో రాజ్పుత్ ప్రేమలో పడినప్పటి నుంచి పరిస్థితులు భిన్నంగా మారిపోయాయని అన్నాడు.
తన సమస్యపై సుశాంత్ వైద్యులను సంప్రదించి ఉండకపోవచ్చని.. రియానే సుశాంత్కు ఈ మందులు ఇచ్చిందని పేర్కొన్నాడు.
"వైద్యులు ఏ మందులు ఇస్తున్నారో ఎవరికీ తెలియదు. ఇటువంటి ప్రిస్క్రిప్షన్ ఇచ్చే ముందు సుశాంత్తో కౌన్సిలింగ్ సెషన్ నిర్వహించాలి. నాకు తెలిసి అలాంటివేవీ జరగలేదు. ఒక వేళ ఆ డాక్టర్కు కూడా ఈ కౌన్సిలింగ్ గురించి తెలియకపోతే.. సుశాంత్ మానసిక ఒత్తిడికి కారణం ఏంటని తెలుసుకోకుండా మందులు ఎలా సూచిస్తారు" అని సుశాంత్ ఫిట్నెస్ ట్రైనర్ ప్రశ్నించాడు.
మరోవైపు సుశాంత్ శారీరకంగా చాలా ఆరోగ్యంగా ఉన్నాడని.. అటువంటప్పుడు ఎలాంటి మందులు అవసరం లేదని తెలిపాడు.
మెంటల్ హెల్త్కేర్ యాక్ట్ 2017 ప్రకారం.. బాధితుడి ఇష్టానికి వ్యతిరేకంగా ఎవరూ మందులు సూచించకూడదు. కానీ, సుశాంత్ను రియా సైకోట్రోపిక్ మెడిసిన్ తీసుకోమని బలవంతం చేసినట్లు వార్తలు వినిపిస్తున్నాయి.