Maa elections 2021: మంచు విష్ణు విజయానికి కారణాలు ఇవే!
ఎంతో హోరాహోరీగా సాగిన మూవీ ఆర్టిస్ట్ అసోసియేషన్ ఎలక్షన్లో హీరో మంచు విష్ణు గెలుపు సొంతం చేసుకున్నారు. ప్రకాశ్రాజ్పై అద్భుత విజయం సాధించారు.
మంచు విష్ణు
'మా' ఎన్నికల్లో మంచు విష్ణు అధ్యక్షుడిగా విజయం సాధించారు. రాబోయే రెండేళ్ల పాటు.. అంటే 2021-23కిగానూ ఆ బాధ్యతలు నిర్వర్తించనున్నారు. అయితే విష్ణు విక్టరీ వెనకున్న కొన్ని అంశాలు మీకోసం.
- 'లోకల్-నాన్ లోకల్' అంశం విష్ణుకు బాగా కలిసొచ్చింది. ఈ విషయమై విమర్శలు, ప్రతి విమర్శలు వచ్చినప్పటికీ.. 'మా' సభ్యులు విష్ణునే ప్రెసిడెంట్గా ఎన్నకున్నారు.
- మద్దతు విషయంలోనూ మంచు విష్ణు దూకుడు చూపించారు. నందమూరి బాలకృష్ణ, కోటా శ్రీనివాసరావు తదితరులు ఇతడికే అండగా నిలిచారు. సూపర్స్టార్ కృష్ణను విష్ణు కలిసి మద్దతు కోరారు.
- తాను ఇవ్వాలనుకున్న హామీలను స్పష్టంగా వివరించి 'మా' సభ్యులను ఆకట్టుకోవడంలో విష్ణు సకెస్స్ అయ్యారు.
- అధ్యక్ష బరిలో ఉన్న ప్రకాశ్రాజ్ను గతంలో 'మా' రెండుసార్లు నిషేధించింది. ఇది విష్ణుకు అనుకూలంగా మారింది.
- ప్యానెల్ ప్రకటించినప్పుడు ప్రకాశ్రాజ్ బలంగా కనిపించగా, ఆ తర్వాత మాత్రం ప్రతి విషయంలోనూ మంచు విష్ణు బలంగా కనిపించారు.
- అలానే విష్ణు, విజయంపై క్లారిటీతో ప్రత్యర్థిపై విమర్శలు చేయగా.. ప్రకాశ్రాజ్ మాత్రం ప్రతివిమర్శలు తక్కువగా చేస్తూ, డిఫెన్స్లో పడిపోయారు. ఇది విష్ణుకు కలిసొచ్చింది.
- విష్ణు తరఫు నుంచి విష్ణు, మోహన్బాబు పలు వీడియోలు, ఆడియో మెసేజ్లు రిలీజ్ చేస్తూ 'మా' సభ్యుల్లో నమ్మకాన్ని పెంచారు.