'కె.జి.ఎఫ్​ 2'లో రావు రమేశ్ కీలక పాత్ర

విభిన్న పాత్రలతో టాలీవుడ్ ప్రేక్షకుల్ని అలరిస్తున్న రావు రమేశ్.. 'కె.జి.ఎఫ్-2' లో నటించే అవకాశం దక్కించుకున్నాడు.

కన్నడ నటుడు యశ్ హీరోగా అలరించిన సినిమా 'కె.జి.ఎఫ్'. విడుదలైన అన్ని భాషల్లోనూ ఘనవిజయం సాధించింది. ప్రస్తుతం దీనికి కొనసాగింపుగా తెరకెక్కుతున్న రెండో భాగం షూటింగ్ శరవేగంగా జరుగుతోంది. విభిన్న పాత్రలతో తెలుగు ప్రేక్షకుల్ని ఆకట్టుకుంటున్న రావు రమేశ్ ఈ సినిమాలో కీలక పాత్రలో కనిపించనున్నాడు. ఇటీవలే వచ్చిన 'మజిలీ','మహర్షి' చిత్రాల్లో తనదైన నటనతో మెప్పించాడీ నటుడు.

'కె.జి.ఎఫ్-2'కు ప్రశాంత్ నీల్ దర్శకత్వం వహిస్తున్నాడు. శ్రీనిధి శెట్టి హీరోయిన్​గా నటిస్తోంది. బంగారు గనుల నేపథ్యంలో తెరకెక్కిన మొదటి భాగం అభిమానులకు తెగ నచ్చేసింది. మరి ఈ సినిమా ఏ మేరకు ఆకట్టుకుంటుందో చూడాలి.