బాలీవుడ్ స్టార్ హీరో రణ్వీర్ సింగ్ ప్రధాన పాత్రలో నటిస్తున్న సినిమా '83'. దీనికి సంబంధించిన ఫస్ట్లుక్ తన ఇన్స్టాగ్రామ్లో పంచుకున్నాడీ నటుడు. 1983 క్రికెట్ ప్రపంచకప్ నేపథ్యంలో రానుందీ సినిమా. లెజండరీ క్రికెటర్ కపిల్ దేవ్ పాత్రలో రణ్వీర్ కనిపించనున్నాడు. కబీర్ ఖాన్ దర్శకత్వం వహిస్తున్నాడు.
ప్రస్తుతం ధర్మశాలలో చిత్రీకరణ జరుపుకుంటోందీ చిత్రం. దీనికి సంబంధించిన ఫొటోల్ని ఎప్పటికప్పుడు పంచుకుంటునే ఉన్నాడు రణ్వీర్. హీరో ప్రాక్టీసు చేస్తున్న వీడియోలు నెట్టింట ఇప్పటికే వైరల్ అవుతున్నాయి. వచ్చే ఏడాది ఏప్రిల్ 10న విడుదల కానుందీ సినిమా.