దర్శకుడు తేజ చేతుల మీదుగా 'రంగమార్తాండ' ప్రారంభం

'రంగమార్తాండ' సినిమా సోమవారం.. దర్శకుడు తేజ చేతుల మీదుగా లాంఛనంగా ప్రారంభమైంది. కృష్ణవంశీ దర్శకత్వం వహిస్తున్నాడు.

చాలా విరామం తర్వాత ప్రముఖ దర్శకుడు కృష్ణవంశీ.. ఓ సినిమాను మొదలుపెట్టాడు. 'రంగమార్తాండ' పేరుతో తెరకెక్కుతోందీ చిత్రం. సోమవారం లాంఛనంగా ప్రారంభమైంది. దర్శకుడు తేజ ముఖ్య అతిథిగా హాజరయ్యాడు. ఈ ఫొటోలను కృష్ణవంశీ ట్విట్టర్​లో పంచుకున్నాడు.

ఈ సినిమాలో ప్రకాశ్​రాజ్-రమ్యకృష్ణ ప్రధాన పాత్రలు పోషిస్తున్నారు. బ్రహ్మానందం మనసుకు హత్తుకునే పాత్రలో కనిపించనున్నారు. అనసూయ కీలక పాత్ర పోషించనుంది. మేస్ట్రో ఇళయరాజా సంగీతమందిస్తున్నారు. మధు - అభిషేక్ నిర్మాతలుగా వ్యవహరిస్తున్నారు.

'రంగమార్తాండ' షూటింగ్ ప్రారంభం

మరాఠీ చిత్రం 'నటసామ్రాట్​'కు రీమేక్ ఈ సినిమా. నటన నుంచి విశ్రాంతి తీసుకున్న ఓ స్టేజ్‌ ఆర్టిస్ట్‌ విషాదకర జీవితమే కథాంశం. మరాఠీ చిత్రంలో నానాపటేకర్‌ కీలకపాత్రలో కనిపించి మెప్పించారు.

ఇది చదవండి: బ్రహ్మానందం.. మనసుకు హత్తుకునే పాత్రలో