ఆకాశ్ పూరీ కథానాయకుడిగా తెరకెక్కుతోన్న 'రొమాంటిక్' చిత్రంలో... రమ్యకృష్ణ కీలక పాత్ర పోషిస్తోంది. కేతికాశర్మ కథానాయిక. అనిల్ పాడూరి దర్శకుడు. ప్రస్తుతం చిత్రీకరణ గోవాలో జరుగుతోంది. ఛార్మీ, పూరీ జగన్నాథ్ సంయుక్తంగా ఈ చిత్రం నిర్మిస్తున్నారు. ఈ సందర్భంగా షూటింగ్లో పాల్గొన్న రమ్యకృష్ణ.. సెట్లో ఛార్మితో కలిసి దిగిన ఓ ఫొటోను ట్విట్టర్లో పంచుకుంది.
"గోవాలో జరుగుతున్న ‘రొమాంటిక్’ షూటింగ్లో పాల్గొనడం చాలా సంతోషంగా ఉంది. కచ్చితంగా ఈ సినిమా ప్రేక్షకులకు నచ్చుతుంది. ఆకాశ్ పూరీ, కేతికాశర్మ జంట అందర్నీ ఆకట్టుకుంటుంది. అనిల్ పాడూరి ఈ చిత్రాన్ని బాగా తెరకెక్కిస్తున్నారు. పూరీ జగన్నాథ్, నా రాక్షసి ఛార్మితో కలిసి పనిచేయడం చాలా సంతోషంగా ఉంది."