నెల్లూరు జిల్లా సూళ్లూరుపేటలో సందడి చేశాడు మెగా పవర్స్టార్ రామ్చరణ్తేజ. దేశంలోనే అతిపెద్ద సినిమా తెరతో కూడిన మల్టీప్లెక్స్ థియేటర్ను ప్రారంభించాడు. ప్రముఖ సినీ నిర్మాణ సంస్థ యూవీ క్రియేషన్స్ రూ. 40 కోట్లతో పిండిపాళెంలో ఈ థియేటర్ను నిర్మించింది.
శుక్రవారం విడుదల కానున్న 'సాహో' చిత్రంతోనే ఈ థియేటర్లో షోలు ప్రదర్శితమవుతాయి. 100 అడుగుల వెడల్పు, 54 అడుగుల ఎత్తయిన తెర, 656 సీట్ల సామర్థ్యంతో 3డీ సౌండ్ సిస్టమ్తో థియటర్ను రూపొందించారు. ఇలాంటివి ఆసియా ఖండంలో మరో రెండు ఉన్నాయి.