మెగా పవర్ స్టార్ రామ్చరణ్ ఇటీవలే ఇన్స్టాగ్రామ్ ఖాతా తెరిచాడు. తాను జులై 12న ఇన్ స్టాలో అభిమానులు ముందుకు రాబోతున్నట్టు ఓ వీడియో సందేశం ద్వారా తెలియజేశాడు. ఈ వీడియోను ట్విట్టర్లో పోస్ట్ చేసింది రామ్చరణ్ సతీమణి ఉపాసన కొణిదెల.
ఎట్టకేలకు ఇన్ స్టాలో మీ ముందుకు రాబోతున్నాను. నాకు తెలియని ఈ ప్లాట్ఫామ్ అద్భుతంగా ఉంటుందని అనుకుంటున్నాను. -రామ్చరణ్, వీడియో సందేశం.
ఇప్పటికే ఇన్ స్టా ఖాతా తెరిచిన రామ్చరణ్ ఇంతవరకు ఏ పోస్ట్ పెట్టలేదు. కేవలం ప్రొఫైల్ ఫొటో మాత్రమే పెట్టాడు. జులై 12న తొలి పోస్ట్ పెట్టనున్నాడు.
ప్రస్తుతం రాజమౌళితో ఆర్ఆర్ఆర్ చిత్రీకరణలో బిజీగా ఉన్నాడు చరణ్. జూనియర్ ఎన్టీఆర్తో కలిసి ఈ సినిమాలో నటిస్తున్నాడు. ఇందులో రామ్చరణ్ అల్లూరి సీతారామారాజు పాత్ర పోషిస్తుండగా.. ఎన్టీఆర్ కొమురం భీమ్ పాత్రలో కనిపించనున్నాడు.
