శంకర్​ దర్శకత్వంలో చెర్రీ.. అప్​డేట్ వచ్చేసింది

మెగా పవర్​స్టార్ రామ్​చరణ్​ తదుపరి సినిమా దర్శకుడు ఎవరో తెలిసిపోయింది. కోలీవుడ్ ప్రముఖ డైరెక్టర్​ శంకర్​తో తన కొత్త చిత్రాన్ని ప్రకటించారు చెర్రీ. దిల్​రాజు ఈ చిత్రానికి నిర్మాతగా వ్యవహరించనున్నారు.

మెగా పవర్​స్టార్ రామ్​చరణ్ వరుస చిత్రాలతో బిజీగా ఉన్నారు. ప్రస్తుతం ఆయన 'ఆర్​ఆర్​ఆర్​' చిత్రంతో పాటు 'ఆచార్య'లోనూ నటిస్తున్నారు. వీటి తర్వాత చేయనున్న చిత్రాల కోసం అనేక మంది దర్శకులతో చెర్రీ చర్చలు జరుపుతున్నట్లు వార్తలు వచ్చాయి. తాజాగా వీటికి బ్రేక్ వేస్తూ తన తదుపరి సినిమా ప్రకటన వెల్లడించారు చెర్రీ. ప్రముఖ కోలీవుడ్ దర్శకుడు శంకర్​తో సినిమా చేయబోతున్నట్లు తెలిపారు.

ఈ చిత్రానికి దిల్​రాజు నిర్మాతగా వ్యవహరించనున్నారు. శ్రీ వేంకటేశ్వర క్రియేషన్స్​కు ఇది 50వ సినిమా కావడం విశేషం. అందుకే ఈ మూవీ పాన్ ఇండియా స్థాయిలో భారీగా తెరకెక్కించబోతున్నట్లు వార్తలు వస్తున్నాయి. మిగిలిన వివరాలు త్వరలోనే వెలువడనున్నాయి.