నందమూరి బాలకృష్ణ 'అఖండ' ప్రీ రిలీజ్ ఈవెంట్కు (Akhanda Pre Release Event) దర్శకధీరుడు రాజమౌళి ప్రత్యేక అతిథిగా విచ్చేయనున్నారు. ఈ వేడుకకు ఐకాన్ స్టార్ అల్లు అర్జున్ స్పెషల్ గెస్ట్గా రానున్నారని చిత్రబృందం ప్రకటించింది. దీంతో అతిరథమహారథుల నడుమ ఈ కార్యక్రమం ఘనంగా జరగనుందని అభిమానులు సంబరపడిపోతున్నారు. నవంబరు 27న హైదరాబాద్లోని శిల్పాకళా వేదికలో ఈ ఈవెంట్ జరగనుంది.
ఇప్పటికే విడుదలైన 'అఖండ' ట్రైలర్.. అభిమానుల్ని అలరిస్తూ సినిమాపై అంచనాల్ని పెంచుతోంది. ఇందులో బాలయ్య రెండు పాత్రల్లో కనిపించనున్నారు. ప్రగ్యా జైస్వాల్ హీరోయిన్. తమన్ సంగీతమందించారు. బోయపాటి శ్రీను దర్శకత్వం వహించారు. డిసెంబరు 2న సినిమా థియేటర్లలోకి వస్తుంది.