అడవి శేష్, రెజీనా, నవీన్ చంద్ర ప్రధాన పాత్రల్లో నటించిన చిత్రం 'ఎవరు'. గురువారం విడుదలైన ఈ సినిమా బాక్సాఫీస్ వద్ద సత్తా చాటుతోంది. ఈ విజయంపై దర్శకేంద్రుడు కె. రాఘవేంద్రరావు స్పందించారు. ట్విట్టర్ వేదికగా చిత్రబృందాన్ని ప్రశంసించారు.
"చిత్రంలోని ప్రతి సన్నివేశాన్ని ఆస్వాదించాను. ఊహించని మలుపులతో మతిపోయింది. దర్శకుడు వెంకట్ రాంజీ అనుభవమున్న వాడిలా చక్కగా తీశాడు. శేష్, రెజీనా అద్భుతంగా నటించారు. నిర్మాత పీవీపీకి, చిత్రబృందానికి శుభాకాంక్షలు" -రాఘవేంద్రరావు, ప్రముఖ దర్శకుడు