Radhe shyam trailer views: డార్లింగ్ ప్రభాస్ 'రాధేశ్యామ్' ట్రైలర్ రికార్డులు సృష్టిస్తోంది. ప్రతి ఫ్రేమ్ ఎంతో అందంగా, అద్భుతంగా ఉంటూ.. సినిమాపై అంచనాల్ని పెంచుతోంది. ఈ క్రమంలో అరుదైన ఘనత సాధించింది. దాదాపు నాలుగేళ్ల క్రితం బాహుబలి-2 ట్రైలర్ సాధించిన రికార్డును చెరిపేసింది.
హైదరాబాద్లో గురువారం జరిగిన ప్రీ రిలీజ్ ఈవెంట్లో 'రాధేశ్యామ్' ట్రైలర్ రిలీజ్ చేశారు. అప్పటినుంచి మొదలైన వ్యూస్ ప్రభంజనం.. 24 గంటల్లో పాత రికార్డులను తుడిచిపెట్టింది. 22 మిలియన్ వ్యూస్ సాధించిన తెలుగు ట్రైలర్.. ఈ ఘనత సాధించిన తొలి ప్రచార చిత్రంగా నిలిచింది.