అల్లు అర్జున్, సుకుమార్ కాంబినేషన్లో తెరకెక్కిన 'పుష్ప' మూవీ ప్రేక్షకుల ముందుకొచ్చింది. తెలుగుతోపాటు తమిళ, మలయాళ, కన్నడ, హిందీ భాషల్లో సుమారు 3 వేలకుపైగా థియేటర్లలో ఈ చిత్రం విడుదలైంది. అన్ని కేంద్రాల్లోనూ ప్రేక్షకుల ఆదరణతో మంచి టాక్ సంపాదించుకుంది. సామాజిక మాద్యమాల్లోనూ అల్లు అర్జున్ అభిమానులు, పలువురు దర్శకులు, నటీనటులు పుష్ప చిత్రాన్ని, బన్నీ నటనపై ప్రశంసల జల్లు కురిపిస్తున్నారు.
అల్లు అర్జున్ కెరీర్లో ఉత్తమ ప్రదర్శనగా పుష్ప నిలిచిందని హరీశ్ శంకర్ తన అభిప్రాయాన్ని వెల్లడించగా.. సుకుమార్, అల్లు అర్జున్ కలయిక మరోసారి చాలా బాగుందని, నిర్మాణ సంస్థ మైత్రీకి గోపీచంద్ మలినేని అభినందనలు తెలిపారు.