టాలీవుడ్‌ ప్రముఖ నటి విజయశాంతి 13ఏళ్ల తర్వాత మళ్లీ మేకప్‌ వేసుకుంది. అయితే ఇంత కాలం వేచి చూసిన ఈ నటి...'సరిలేరు నీకెవ్వరు' చిత్రంలో ఓ కీలక పాత్రతో వెండితెరపై రీఎంట్రీ ఇస్తోంది. ఈ పాత్రపై ఇప్పటికే అభిమానులు ఆతృతగా ఎదురుచూస్తున్నారు. అయితే ఇందులో మెడికల్‌ ప్రొఫెసర్‌గా విజయశాంతి కనిపించనున్నట్లు సమాచారం.
సరిలేరు నీకెవ్వరులో విజయశాంతి పాత్ర ఇదే!
ఒకప్పటి స్టార్ హీరోయిన్, లేడీ అమితాబ్ విజయశాంతి వెండితెరపై కనిపించేందుకు ఇటీవల మళ్లీ ముఖానికి రంగేసుకుంది. మహేశ్ బాబు కథానాయకుడిగా తెరకెక్కుతోన్న 'సరిలేరు నీకెవ్వరు' చిత్రంలో ప్రస్తుతం నటిస్తోంది. దాదాపు 13 ఏళ్ల విరామం తర్వాత వెండితెరపై కనిపించబోతోన్న ఈమె ఓ కీలకపాత్ర పోషిస్తున్నట్లు సమాచారం.
సరిలేరు నీకెవ్వరులో పుస్తకాలతో విజయశాంతి..!
తనకంటూ ప్రత్యేక గుర్తింపు కావాలని కోరుకునే సమయంలోనే దర్శకుడు అనిల్‌ రావిపూడి విజయశాంతికి ఈ కథను వినిపించాడు. వెంటనే ఈ పాత్ర చేయడానికి ఒప్పుకుందట. గతంలోనూ కొన్ని సినిమాల్లో పోలీసు, లాయర్‌గా నటించిందీ సినియర్ నటి. ఉషాకిరణ్‌ మూవీస్‌ నిర్మాణంలోని 'ప్రతిఘటన'లో కళాశాల అధ్యాపకురాలిగా ఆకట్టుకుంది.
వెంకటేశ్వర క్రియేషన్స్ సమర్పణలో జీఎమ్‌బీ ఎంటర్‌టైన్‌మెంట్‌, ఏకే ఎంటర్‌టైన్‌మెంట్స్ సంయుక్తంగా నిర్మిస్తున్న చిత్రం 'సరిలేరు నీకెవ్వరు.' రష్మిక మందణ్న కథానాయిక. రామ్ బ్రహ్మం సుంకర నిర్మాత. దేవిశ్రీ సంగీతం అందిస్తున్నాడు.
Last Updated : Sep 27, 2019, 11:32 AM IST