క్వాంటికో సిరీస్, బేవాచ్ సినిమాతో హాలీవుడ్ ప్రేక్షకులకు దగ్గరైన ప్రియాంక చోప్రా మరో చిత్రంలో నటించనుంది. వి కెన్ బీ హీరోస్ అనే పేరుతో రానున్న ఈ సినిమా నెట్ఫ్లిక్స్లో ప్రసారం కానుంది.
హాలీవుడ్ నటులు పెడ్రో పాస్కల్, సుంగ్ కాంగ్, క్రిస్టోఫర్ మెక్డొనాల్డ్ ప్రముఖ పాత్రల్లో కనిపించనున్నారు. బాల నటులుగా అకిరా అక్బర్, నాథన్ బ్లెయిర్, ఆండ్రూ డియాజ్, ఆండీ వాల్కెన్, హాలా ఫిన్లీ నటించనున్నారు.
ఇదీ కథ
సూపర్ హీరో తల్లిదండ్రులను గ్రహాంతర వాసులు కిడ్నాప్ చేస్తారు. వారిని కాపాడటానికి పిల్లలంతా జట్టుగా చేరతారు. ఇందుకోసం వాళ్లు ఎలాంటి సమస్యలు ఎదుర్కొంటారు, ఏమేం సాహాసాలు చేశారో ఈ సినిమాలో చూపించనున్నారు.
ఇటీవలే "అలిటా: బాటిల్ ఏంజెల్"ను తెరకెక్కించిన రాబర్ట్ రోడ్రిగ్స్ సొంత కథతో 'వి కెన్ బి హీరోస్'ను రూపొందించనున్నాడు. చిత్ర షూటింగ్ ఇటీవలే అమెరికా టెక్సాస్లో మెుదలైంది.
ఇదీ చూడండి: జిమ్లో సమంత ఫీట్.. అంతర్జాలంలో వీడియో హిట్!