Prabhas Surgery: పాన్ ఇండియా స్టార్ ప్రభాస్.. 'రాధేశ్యామ్' రిలీజ్ తర్వాత మీడియా ముందుకు రాలేదు. అయితే సినిమాపై మిశ్రమ స్పందన రావడం వల్ల ఆయన బయటకు వచ్చేందుకు ఇష్టపడలేదని తెలుస్తోంది. అయితే తాజాగా ప్రభాస్ స్పెయిన్కు వెళ్లారు. ప్రభాస్ స్వల్ప శస్త్రచికిత్స చేయించుకున్నారు. ఇటీవల సలార్ షూటింగ్లో గాయపడ్డ ప్రభాస్.. ఈ మేరకు సర్జరీ చేయించుకున్నారు. చిన్నపాటి ఆపరేషనే అయినా డాక్టర్లు.. ప్రభాస్ను పూర్తిగా విశ్రాంతి తీసుకోమని చెప్పినట్లు సమాచారం. ఇక, ఈ విషయం తెలుసుకున్న డార్లింగ్ ఫ్యాన్స్.. తమ అభిమాన హీరో త్వరగా కోలుకోవాలని ఆకాంక్షిస్తున్నారు.
ఆర్ఆర్ఆర్ ప్రీమియర్ షోకి ప్రభాస్..!
దర్శకుడు రాజమౌళి తెరకెక్కించిన ప్రతిష్ఠాత్మక చిత్రం 'ఆర్ఆర్ఆర్' ప్రమోషన్స్‌లో భాగంగా జక్కన్న ఇంట్లో గురువారం ఎన్టీఆర్, చరణ్లు ముచ్చటించారు. సరదాగా సాగిన ఆ ఇంటర్వ్యూలో ప్రీమియర్ షోకి డార్లింగ్ ప్రభాస్ వస్తారా? అని రాజమౌళిని ఎన్టీఆర్ను అడిగారు. సమాధానంగా "ప్రభాస్ కదిలి ప్రీమియర్కు రావడం.. అది జరిగే పని కాదు" అని రాజమౌళి అన్నారు. జక్కన్న అన్న ఆ మాట.. ఇప్పుడు సోషల్ మీడియాలో వైరల్ అయింది. సర్జరీ జరిగినందుకే ప్రభాస్ రాడని రాజమౌళి అన్నారని నెటిజన్లు మాట్లాడుకుంటున్నారు.
Prabhas Upcoming Movies: ఇటీవలే ప్రభాస్ నటించిన 'రాధేశ్యామ్' చిత్రం విడుదలైంది. పీరియాడిక్ లవ్ స్టోరీగా వచ్చిన ఈ మూవీ మిక్స్డ్ టాక్ను దక్కించుకుంది. ఆ తర్వాత ఆదిపురుష్‌, సలార్, ప్రాజెక్ట్-కే, స్పిరిట్‌ చిత్రాలు వరుసలో ఉన్నాయి. వీటితో పాటు డైరెక్టర్‌ మారుతీ దర్శకత్వంలో ఓ పాన్ ఇండియా చిత్రంలో ప్రభాస్ నటించనున్నారు.
ఇదీ చదవండి: ఆర్ఆర్ఆర్ ప్రీమియర్ షోకి ప్రభాస్.!
