కరోనా సెకండే వేవ్ ప్రభావంతో పలు రాష్ట్రాల్లో సినిమా షూటింగ్లు నిలుపుదల చేయాలని ఆదేశాలు జారీ చేస్తున్నారు. ఈ క్రమంలోనే ముంబయిలో ఉన్న 'ఆదిపురుష్' బృందం.. ఇప్పుడు హైదరాబాద్కు వచ్చే ఆలోచనలో ఉంది.
'ఆదిపురుష్' షూటింగ్ ఇకపై హైదరాబాద్లో! - ప్రభాస్ ఓం రౌత్ ఆదిపురుష్
డార్లింగ్ ప్రభాస్ కథానాయకుడిగా నటిస్తున్న 'ఆదిపురుష్' షూటింగ్ను ఇకపై హైదరాబాద్లో చేయాలని చిత్రబృందం భావిస్తోంది. మహారాష్ట్రలో సినిమా షూటింగ్లపై తాత్కాలిక నిషేధమే ఇందుకు కారణంగా కనిపిస్తోంది.
ఆదిపురుష్ బృందం
ముంబయిలోని ఫిల్మ్సిటీలో ఈ ఏడాది ప్రారంభంలో దాదాపు రెండు నెలలపాటు 'ఆదిపురుష్' షూటింగ్ జరిగింది. కొత్త షెడ్యూల్ మొదలుపెడదామనే సమయానికి మహారాష్ట్రలో కొవిడ్ కేసులు పెరుగుతూ వచ్చాయి. దీని దృష్ట్యా షూటింగ్లపై రాష్ట్ర ప్రభుత్వం స్టే విధించింది. దీంతో దాదాపు 90 రోజుల పాటు జరగబోయే కొత్త షెడ్యూల్ను హైదరాబాద్లో పూర్తి చేయాలని 'ఆదిపురుష్' బృందం భావిస్తోంది.
రామాయణం ఆధారంగా తెరకెక్కిస్తున్న ఈ సినిమాలో ప్రభాస్ రాముడిగా, సైఫ్ అలీఖాన్ రావణుడిగా నటిస్తున్నారు. కృతిసనన్ సీతగా కనిపించనున్నారు. ఓం రౌత్ దర్శకుడు. వచ్చే ఏడాది ఆగస్టు 11న థియేటర్లలోకి రానుందీ చిత్రం.