మరోసారి మాయ చేసేందుకు 'జిగేల్​ రాణి' సిద్ధం!

మరోసారి పల్లెటూరి వేషధారణలో కనిపించేందుకు సిద్ధమైంది హీరోయిన్​ పూజా హెగ్డే. 'వాల్మీకి'లో ఆమె పాత్రకు సంబంధించిన ఓ ఫొటోను ట్విట్టర్​లో పంచుకున్నాడు దర్శకుడు హరీశ్ శంకర్.

వరుస చిత్రాలు చేస్తూ బిజీ హీరోయిన్​గా మారింది పూజా హెగ్డే. రామ్​చరణ్ హీరోగా నటించిన రంగస్థలంలో 'జిల్ జిల్ జిగేల్ రాణి..' అంటూ సాగే ప్రత్యేక గీతంలో నర్తించి మాస్ ప్రేక్షకులకు దగ్గరయింది. అంతలా పాపులర్ అయిన ఆ వేషధారణలో మరోసారి కనిపించనుందీ భామ.

దర్శకుడు హరీశ్​ శంకర్ ట్వీట్

వరుణ్​తేజ్​ హీరోగా నటిస్తున్న 'వాల్మీకి'లో పూజా హెగ్డేతో ఇలాంటి గెటప్​ వేయించాడు దర్శకుడు హరీశ్ శంకర్. ఆ ఫొటోను ట్విట్టర్​లో పంచుకున్నాడు. ఇది ఓ సన్నివేశం కోసమా లేదా మంచి మాస్​ మసాలా పాట గురించా అని అభిమానులు చర్చించుకుంటున్నారు.

వాల్మీకిలో ఆధర్వ మురళి, మృణాళిని రవి ఇతర పాత్రల్లో కనిపించనున్నారు. సెప్టెంబరు 13న ఈ చిత్రం ప్రేక్షకుల ముందుకు రానుంది.

ఇది చదవండి: వాల్మీకిలో పూజా హెగ్డే రెమ్యునరేషన్​పై దర్శకుడు హరీశ్ శంకర్ క్లారిటీ