ఎంతో ఆసక్తిగా ఎదురుచూస్తున్న పవర్స్టార్ పవన్ కల్యాణ్ అభిమానులకు తీపి కబురు వచ్చేసింది. హరీశ్ శంకర్(Pawankalyan Harishshankar movie) దర్శకత్వంలో తెరకెక్కుతున్న సినిమా టైటిల్ ఖరారైంది. 'భవదీయుడు భగత్ సింగ్'గా ఈ సినిమా రూపొందనుంది. దీంతో పాటు ఫస్ట్లుక్ను విడుదల చేసింది చిత్రబృందం. ఇందులో పవన్ మాస్ లుక్ అదిరిపోయింది.
ఇటీవల సమావేశమైన చిత్రబృందం.. త్వరలో షూటింగ్ మొదలుపెట్టనున్నట్లు కూడా తెలిపింది. ఈ సినిమాకు దేవిశ్రీ ప్రసాద్ సంగీతమందిస్తున్నారు. మైత్రీ మూవీ మేకర్స్ ఈ మూవీని నిర్మిస్తోంది. గతంలో పవన్-హరీశ్ శంకర్ కాంబోలో వచ్చిన 'గబ్బర్ సింగ్'(gabbar singh) బాక్సాఫీస్ రికార్డులను కొల్లగొట్టి, అభిమానుల్ని తెగ అలరించింది. దీంతో ఈ మూవీపై భారీ అంచనాలు నెలకొన్నాయి.