బాలీవుడ్​లో పెరుగుతున్న కరోనా.. ప్రముఖ​ నటుడికి పాజిటివ్

'శంకర్​దాదా ఎమ్​బీబీఎస్' సినిమాతో తెలుగులోనూ గుర్తింపు తెచ్చుకున్న పరేశ్ రావల్​కు కరోనా పాజిటివ్​గా తేలింది. ప్రస్తుతం ఆయన హోం క్వారంటైన్​లో ఉన్నారు.

ఇటీవల కొవిడ్ వ్యాక్సిన్​ తీసుకున్న ప్రముఖ నటుడు పరేశ్ రావల్.. ఇప్పుడు వైరస్​ బారినపడ్డారు. ఈ విషయాన్ని ఆయన ట్విట్టర్​ వేదికగా శుక్రవారం రాత్రి వెల్లడించారు. గత 10 రోజుల్లో తనను కలిసిన వారు.. వైద్యపరీక్షలు చేయించుకోవాలని తెలిపారు.

ఈ మధ్య కాలంలో బాలీవుడ్​ హీరోలు కార్తిక్ ఆర్యన్, రణ్​బీర్ కపూర్, రోహిత్ షరఫ్​లకు కరోనా పాజిటివ్​గా తేలింది. ప్రస్తుతం వారంతా స్వీయ నిర్బంధంలో ఉన్నారు.