ట్రైలర్: బలమైన కారణం కోసం కొట్టేవాడు యోధుడు

కన్నడ హీరో కిచ్చా సుదీప్​.. రెండు విభిన్న పాత్రల్లో నటించిన 'పహిల్వాన్' ట్రైలర్​ అలరిస్తోంది. సునీల్ శెట్టి కీలక పాత్ర పోషించిన ఈ సినిమా సెప్టెంబరు 12న ప్రేక్షకుల ముందుకు రానుంది.

'ఈగ‌', 'బాహుబ‌లి' చిత్రాల‌తో తెలుగు ప్రేక్ష‌కుల‌కు సుపరిచితమైన క‌న్న‌డ న‌టుడు సుదీప్. బాక్సింగ్​ కథాంశంతో తెరకెక్కుతున్న'పహిల్వాన్'లో హీరోగా నటిస్తున్నాడు. ఆ చిత్ర ట్రైలర్​ ఐదు భాషల్లో గురువారం విడుదలైంది. ఇందులో కుస్తీ వీరుడు, బాక్సర్​​ పాత్రల్లో అభిమానుల్ని అలరించనున్నాడు సుదీప్.

బలం ఉందనే అహంతో కొట్టేవాడు రౌడీ.. బలమైన కారణం కోసం కొట్టేవాడు యోధుడు అనే డైలాగ్​ సినిమాపై ఆసక్తి రేకెత్తిస్తోంది.

ఆకాంక్ష సింగ్ హీరోయిన్​గా నటిస్తోంది. ప్రముఖ బాలీవుడ్​ నటుడు సునీల్ శెట్టి కీలక పాత్ర పోషించాడు. కబీర్​ సింగ్ ప్రతినాయకుడిగా కనిపించనున్నాడు. అర్జున్ జన్యా సంగీతమందించాడు. ఎస్​.కృష్ణ దర్శకత్వం వహిస్తున్నాడు. సెప్టెంబరు 12న ప్రేక్షకుల ముందుకు రానుంది .

ఇది చదవండి: మెగాస్టార్​కు పుట్టినరోజు శుభాకాంక్షల వెల్లువ