సమంత అద్భుత నటనతో అలరించిన చిత్రం 'ఓ బేబీ'. ప్రస్తుతం థియేటర్లలో విజయవంతంగా ప్రదర్శితమవుతోంది. ప్రపంచవ్యాప్తంగా ఇప్పటికి రూ.35 కోట్లకు పైగా వసూళ్లు సాధించింది.
సినిమా మేకింగ్ వీడియోను బుధవారం విడుదల చేసింది చిత్రబృందం. బేబీగా సందడి చేసింది అక్కినేని హీరోయిన్.
70 ఏళ్ల వృద్ధురాలు.. 24 సంవత్సరాల యువతిగా మారితే ఎలా ఉంటుంది అనే వినూత్న కథాంశంతో ఈ సినిమాను రూపొందించారు. నటనతో ప్రేక్షకుల్ని గిలిగింతలు పెట్టింది సమంత. రాజేంద్ర ప్రసాద్, రావు రమేశ్, లక్ష్మి ఇతర పాత్రల్లో నటించారు. నందిని రెడ్డి దర్శకత్వం వహించింది.
తెలుగులో ఆకట్టుకున్న ఈ చిత్రాన్ని హిందీలోనూ తీసేందుకు సన్నాహాలు చేస్తున్నారు. ప్రముఖ హీరోయిన్ శ్రద్ధా కపూర్.. 'బేబీ'గా నటించనుందని సమాచారం.
ఇది చదవండి: వెబ్ సిరీస్, ఫ్రెంచ్ కామెడీ రీమేక్లో సమంత..!