తెలుగు చిత్ర కథానాయకులు సినిమాల విషయంలో వేగం పెంచారు. ముందులా సినిమా పూర్తయ్యాకే కొత్త చిత్రం గురించి ఆలోచించడం లేదు. ఒక సినిమా సెట్స్పై ఉండగానే, మరో చిత్రానికి పక్కా ఏర్పాట్లు చేసుకుంటున్నారు. తాజాగా ఎన్టీఆర్ కూడా అదే జోరుతో ఉన్నాడు. 'ఆర్ ఆర్ ఆర్' తర్వాత విరామం తీసుకోకుండా వెంటనే మరో సినిమాకు పచ్చజెండా ఊపేస్తున్నాడట. ఆయన తదుపరి చిత్రం త్రివక్రమ్ దర్శకత్వంలో నటించనున్నట్లు సమాచారం.
వీరిద్దరి కాంబినేషన్లో వచ్చిన 'అరవింద సమేత' చిత్రం మంచి విజయం సాధించింది. ఇప్పుడు మరో సినిమా గురించి ఇద్దరి మధ్య చర్చలు జరిగినట్లు తెలుస్తోంది. ఈ చిత్రంపై అభిమానుల్లో భారీ అంచనాలు ఏర్పడ్డాయి.