ప్రభాస్ 'సాహో' సెట్స్​లో నితిన్ గడ్కరీ

ప్రభాస్ హీరోగా నటిస్తున్న 'సాహో' చిత్రం షూటింగ్ ముంబయిలో జరుగుతోంది. చిత్రీకరణ జరుగుతున్న ప్రాంతానికి భాజపా సీనియర్ నేత నితిన్ గడ్కరీ వెళ్లారు.

'బాహుబలి' ఘన విజయం తర్వాత ప్రభాస్ నటిస్తోన్న చిత్రం 'సాహో'. యాక్షన్‌ ఎంటర్‌టైనర్‌గా తెరకెక్కుతోన్న ఈ సినిమాలో పోరాట సన్నివేశాలు ప్రేక్షకులను కట్టిపడేస్తాయని సమాచారం. ఇప్పటికే విడుదలైన రెండు టీజర్లు సినిమాపై అంచనాల్ని పెంచేశాయి. ఆగస్టులో ప్రేక్షకుల మందుకు తీసుకురావడానికి సన్నాహాలు చేస్తోంది చిత్రబృందం.

ప్రస్తుతం ఈ సినిమా షూటింగ్ ముంబయిలో జరుగుతోంది. షూట్​లో ఉన్న ప్రభాస్​ను భాజపా సీనియర్ నాయకుడు నితిన్ గడ్కరీ కలిశారు. ప్రభాస్, హీరోయిన్ శ్రద్దా కపూర్, దర్శకుడు సుజిత్​లతో ఆయన కలిసి ఉన్న ఫొటోలు వైరల్ అయ్యాయి.

సాహో సెట్స్​లో నితిన్ గడ్కరీ

ఇవీ చూడండి.. 'చెలియా ఉంటానే'తో మతి పోగొడుతున్న అనుపమ