ప్రముఖ సినిమాటోగ్రాఫర్ కె.వి. గుహన్ దర్శకత్వంలో వస్తున్న రెండో చిత్రం 'డబ్ల్యు.డబ్ల్యు.డబ్ల్యు'. ఎవరు, ఎక్కడ, ఎందుకు...అనేది ఉపశీర్షిక. ఇందులో అదిత్ అరుణ్, శివాని రాజశేఖర్ జంటగా నటిస్తున్నారు. డా.రవి పి.రాజు దాట్ల నిర్మాత. ఈ సినిమా ఫస్ట్‌లుక్‌ని హీరో రానా విడుదల చేశారు.
'డబ్ల్యు.డబ్ల్యు.డబ్ల్యు' ఫస్ట్లుక్ విడుదల చేస్తున్న రానా "గుహన్ విభిన్నమైన ఆలోచనలున్న ఛాయాగ్రాహకుడు. ఆయనతో కలిసి పనిచేశా. తను దర్శకత్వం వహించిన ఈ సినిమా పోస్టర్‌ను చూస్తుంటే ఇదొక హై కాన్సెప్ట్ కథ అనిపిస్తోంది. గుహన్ ఇలాంటి మరెన్నో సినిమాల్ని తీయాలని కోరుకుంటున్నా."
- రానా దగ్గుబాటి, కథానాయకుడు
దర్శకుడు గుహన్ మాట్లాడుతూ.. "తొలి సినిమా '118' తర్వాత, రెండో సినిమా గురించి ఆలోచిస్తున్నప్పుడు తట్టిన ఓ కొత్త కాన్సెప్ట్ ఇది. రానా చేతులమీదుగా ఈ సినిమా ఫస్ట్లుక్ విడుదల కావడం ఆనందంగా ఉంది" అని అన్నారు.
వింత సంఘటనలతో..
'బిగ్బాస్' ఫేమ్ పునర్నవి భూపాలం, మహత్ రాఘవేంద్ర, శ్వేతావర్మ, సూర్య భరత్‌ చంద్ర ప్రధాన పాత్రల్లో నటించిన చిత్రం 'సైకిల్. ఆట్ల అర్జున్‌రెడ్డి దర్శకుడు. పి.రాంప్రసాద్‌, వి.బాలాజీరాజు నిర్మాతలు. సంక్రాంతి సందర్భంగా ఈ నెల 15న చిత్రాన్ని విడుదల చేస్తున్నారు. "ఉత్తర భారతంలోని యదార్థమైన కొన్ని వింత సంఘటనల ఆధారంగా రూపొందించిన చిత్రమిది. తెలుగు రాష్ట్రాల్లో 75 తెరలపై మా సినిమా ప్రదర్శితం కాబోతోంది" దర్శకుడు చెప్పారు.
ఇదీ చూడండి:నాకు నచ్చిందే దొరుకుతోంది: నభా నటేష్
