ఎప్పుడూ పక్కింటి అబ్బాయిలా నవ్వుతూ నవ్విస్తూ ఉండే నాని ఇప్పుడు సైకోలా మారిపోయాడు. అతనిని పట్టుకోవడానికి సుధీర్ బాబు పోలీస్‌గా దిగాడు. మరి నాని సైకోలా ఎందుకు మారాడు? ఈ పోలీస్‌ ఆ సైకోని పట్టుకోవడానికి ఎలాంటి ప్రయత్నాలు చేశాడు, అందులో ఉన్న మలుపులు, ఎత్తుగడలు ఏంటి అనే విషయాలు తెలియాలంటే 'వి' చిత్రం వచ్చేంత వరకు ఆగాల్సిందే.
నాని, సుధీర్బాబు ప్రధానపాత్రలో నటిస్తోన్న సినిమా 'వి'. నానిని వెండితెరకు పరిచయం చేసిన మోహన క్రిష్ణ ఇంద్రగంటి ఈ చిత్రానికి దర్శకుడు. ఇందులో నాని విలన్గా నటిస్తున్నట్లు వార్తలొస్తున్నాయ్‌. అయితే అది హీరోయిజంతో కూడిన విలనిజం అని వినికిడి. ఇందులో నాని విలనే అయినా కథ మొత్తం నేచురల్ స్టార్ చూట్టూనే తిరుగుతుందని సమాచారం. దీనిపై అధికారిక ప్రకటన ఏదీ వెలువడలేదు.