ఓటీటీ 'బిగ్​బాస్'​ ప్రోమో అదిరిందిగా!

Nagarjuna OTT Bigboss Show: ఓటీటీ ప్రేక్షకులకు వినోదాన్ని పంచేందుకు నాన్​స్టాప్​ 'బిగ్​బాస్'​ సిద్ధమైపోయింది. ఫిబ్రవరి 26నుంచి డిస్నీ హాట్​స్టార్​లో ప్రసారం కానుంది. దీనికి సంబంధించిన ప్రోమో కూడా విడుదలై ఆకట్టుకుంటోంది.

Nagarjunav OTT Bigboss Show: ఎంతో ఆసక్తిగా ఎదురుచూస్తున్న అభిమానులు కోసం 'బిగ్​బాస్'​ గుడ్​న్యూస్​ చెప్పాడు. ప్రేక్షకుల ముందుకు ఎప్పుడు వస్తున్నాడో తెలియజేశాడు.

ఇప్పటివరకు బుల్లితెరపై సందడి చేసిన బిగ్​బాస్ ఇకపై 24/7 అలరించేందుకు ఓటీటీలోకి ఎంట్రీ ఇవ్వనున్నాడు. బిగ్​బాస్​ నాన్​స్టాప్​ పేరుతో ప్రసారం కానున్న ఈ కార్యక్రమానికి హీరో నాగార్జున వ్యాఖ్యాతగా వ్యవహరిస్తున్నారు. ఈ షో డిస్నీ ప్లస్​ హాట్​స్టార్​లో ఫిబ్రవరి 26నుంచి స్ట్రీమింగ్​ కానుంది. ఈ విషయాన్ని తెలియజేస్తూ ఓ ప్రోమోను విడుదల చేశారు. ఇది ఆద్యంతం ఆకట్టుకునేలా ఉంది.

ఇందులో ఉరిశిక్ష ఖరారైన ఖైదీ వెన్నెల కిషోర్​ తన చివరి కోరికగా బిగ్​బాస్​​కు సంబంధించిన ఒక్క ఎపిసోడ్​ను చూడాలనుకుంటున్నట్లు లాయరుగా నటించిన నాగార్జున అంటారు. దీనికి అంగీకరించిన పోలీసు అధికారి నటుడు మురళీశర్మ ఆ షోను ప్రసారం చేయగా అది ఎంతకీ పూర్తికాదు. ఇక ఆ ముగ్గురు షోనూ చూస్తూ ఉండిపోతారు. ఈ కార్యక్రమంలో పాల్గొన్న కంటెస్టెంట్​ల వివరాలు త్వరలోనే తెలియజేయనున్నారు.

ఇదీ చూడండి:ఆమిర్​ కోసం 'ఆదిపురుష్'​ పోస్ట్​పోన్​​.. 'జెర్సీ' కొత్త రిలీజ్​ డేట్​