ఆసక్తి పెంచుతున్న 'అశ్వథ్థామ'

నాగశౌర్య హీరోగా తెరకెక్కిన చిత్రం 'అశ్వథ్థామ'. ఈ చిత్రానికి సంబంధించిన మోషన్​ పోస్టర్​ని విడుదల చేసింది చిత్రబృందం.

యువ కథానాయకుడు నాగశౌర్య నటిస్తున్న తాజా చిత్రం 'అశ్వథ్థామ'. ఈ సినిమాకి సంబంధించిన కాన్సెప్ట్‌ మోషన్‌ పోస్టర్‌ని విడుదల చేసింది చిత్ర బృందం. ఇందులో నాగశౌర్య ఎవరినో వెంటపడుతూ కనిపిస్తున్నాడు. కండలు పెంచిన దేహంతో పూర్తి స్థాయి యాక్షన్‌ కథానాయకుడిగా మారబోతున్నట్లు తెలుస్తోంది. నేపథ్య సంగీతం ఆకట్టుకుంటోంది. మెహరిన్‌ మొదటిసారి శౌర్యతో జోడి కట్టింది. రమణ తేజ అనే కొత్త దర్శకుడు ఈ సినిమా ద్వారా పరిచయం కానున్నాడు.

ఈ పోస్టర్​ చూస్తుంటే సినిమాపై ఆసక్తిని పెంచుతోంది. వచ్చే ఏడాది వేసవిలో ప్రేక్షకులని పలకరించనున్నాడు ‘అశ్వథ్థామ’.

ఇదీ చూడండి: సేనతో 'మహా'ప్రభుత్వ ఏర్పాటుపై రేపే కాంగ్రెస్ ప్రకటన