By
Published : Jan 2, 2021, 5:12 PM IST
| Updated : Jan 2, 2021, 5:24 PM IST
మిమ్మల్ని అలరించేందుకు కొత్త సినిమా కబుర్లు మీ ముందుకొచ్చేశాయి. ఇందులో మోహన్లాల్ 'మరక్కార్', విజయ్ ఆంటోని నటిస్తోన్న 'విజయ రాఘనవ్', యువ హీరో ఆది నటించిన 'శశి' చిత్రాల విశేషాలు ఉన్నాయి.
విజయ్
- ప్రియదర్శన్ దర్శకత్వంలో మలయాళ సూపర్స్టార్ మోహన్లాల్ నటించిన చారిత్రాత్మక చిత్రం 'మరక్కార్' విడుదల తేదీ ఖరారైంది. మార్చి 26, 2021 విడుదల చేస్తున్నట్లు చిత్రబృందం అధికారికంగా ప్రకటించింది. ఈ సినిమాలో అర్జున్, కీర్తి సురేష్, ప్రణవ్ మోహన్లాల్, కల్యాణి ప్రియదర్శన్, మంజూ వారియర్, సునీల్ శెట్టి, ప్రభు, సిద్దిక్, ముఖేష్, ఫాజిల్, సుహాసిని మణిరత్నంతో పాటు మరికొందరు ప్రముఖ నటులు నటిస్తున్నారు.
- తమిళ నటుడు విజయ్ ఆంటోని నటిస్తోన్న 'విజయ రాఘవన్' సినిమా టీజర్ను.. తెలుగు, కన్నడ, మలయాళం, హిందీ భాషల్లో శనివారం విడుదల చేసింది చిత్ర యూనిట్. ఈ ప్రచార చిత్రంలో ఆంటోని సీరియస్ లుక్లో యాక్షన్ సీన్స్లో అదరగొట్టారు. ఆనంద్ కృష్ణ దర్శకత్వంలో తెరకెక్కిన ఈ చిత్రంలో హీరోయిన్గా ఆత్మిక నటించారు.
- హీరో ఆది నటించిన 'శశి' సినిమాలోని తొలి పాటను ఆదివారం ఉదయం 11.55 గంటలకు విడుదల చేయనున్నట్లు తెలిపింది చిత్రబృందం. దీనికి సంబంధించిన టీజర్ను విడుదల చేసింది. ఈ చిత్రానికి శ్రీనివాస్ నాయుడు దర్శకత్వం వహిస్తున్నారు.
Last Updated : Jan 2, 2021, 5:24 PM IST