ఓటీటీల్లో క్రైమ్ జోనర్ కథలు ప్రేక్షకులను ఎక్కువగా ఆకర్షిస్తున్నాయి. అలాంటి నేర కథాంశంతో రూపొందిందే 'మీర్జాపూర్'. అమెజాన్ ప్రైమ్ వేదికగా విడుదలైన ఈ సిరీస్ విశేషాదరణ పొందింది. దీని తొలి సీజన్ హిట్ కావడం వల్ల రెండో సీజన్పై ప్రేక్షకుల్లో మరింత క్రేజ్ పెరిగింది. కాగా ఈ కొత్త సిరీస్ రిలీజ్పై సదరు ఓటీటీ సంస్థ స్పష్టతనిచ్చింది. అక్టోబరు 23 నుంచి ప్రైమ్లో 'మీర్జాపూర్' రెండో సీజన్ను ప్రదర్శించనున్నట్లు ప్రకటించింది.
'మీర్జాపూర్-2' విడుదల తేదీపై క్లారిటీ
మొన్నటి వరకు సినిమాలకు సీక్వెల్స్ వచ్చేవి. ఇప్పుడు ఆ హవా వెబ్ సీరిసుల్లోకి వచ్చేసింది. అమెజాన్ ప్రైమ్లో ఎక్కువ ప్రజాదరణ పొందిన 'మీర్జాపూర్' వెబ్సిరీస్.. రెండో సీజన్తో మరోసారి ప్రేక్షకులను అలరించడానికి సిద్ధమైంది. ఈ సీక్వెల్ విడుదలపై అమెజాన్ప్రైమ్ తాజాగా స్పష్టత ఇచ్చింది.
కథేంటంటే..!
ఉత్తరప్రదేశ్లోని మీర్జాపూర్ అనే ప్రాంతంలో అఖండానంద్ అనే మాఫియా డాన్ ఉంటాడు. అక్కడ ఆయన మాటే శాసనం. అలాంటి వ్యక్తి కుమారుడైన మున్నాకు.. ఓ సాధారణ లాయర్, ఆయన కుమారులు గుడ్డు, బబ్లూ మధ్య వైరం ఏర్పడుతుంది. ఆ తర్వాత ఏం జరిగిందనేదే 'మీర్జాపూర్' కథ. అలీ ఫజల్, విక్రాంత్ మాసే, పంకజ్ త్రిపాఠి, దివ్యేందు శర్మ ప్రధాన పాత్రలు పోషించారు. ఈ క్రైమ్ థిల్లర్ వెబ్సిరీస్కు కరణ్ అన్షుమాన్ దర్శకుడు. 2018 నవంబర్లో అమెజాన్ ప్రైమ్లో విడుదలైన తొలి సీజన్ బ్లాక్బాస్టర్ హిట్ కొట్టడం వల్ల 'మీర్జాపూర్-2' పట్టాలెక్కింది.