ఒకరి జీవితాన్ని కాపాడడానికి మించిన సంతృప్తి మరొకటి లేదని అగ్రహీరో చిరంజీవి అన్నారు. ప్రపంచ రక్తదాతల దినోత్సవాన్ని పురస్కరించుకుని ఆదివారం ఆయన ఓ ప్రత్యేక వీడియోను ట్వీట్ చేశారు. మొదటి నుంచి ఇప్పటివరకూ తాను రక్తదానం చేసిన ఫొటోలతో ఈ వీడియోను రూపొందించారు. రక్తదానం చేసిన సందర్భాలన్నీ తనకు ఎంతో సంతోషాన్ని, జీవితంలో ఓ సంతృప్తిని ఇచ్చాయని ఆయన తెలిపారు.
'రక్తదానం చేసి వేరొకరి జీవితాన్ని కాపాడడానికి మించిన ఆనందం జీవితంలో ఏముంటుంది. రక్తదాన శిబిరాన్ని ఏర్పాటు చేశారని, చాలామంది తమ రక్తాన్ని దానం చేస్తున్నారని విని సంతోషిస్తున్నాను. ఇలాంటి మంచి కార్యక్రమంలో భాగమవుతోన్న ప్రతి ఒక్కరికీ ధన్యవాదాలు. రక్త దానం చేయండి! ప్రాణదాతలు కండి!' అని చిరంజీవి ట్విట్టర్లో రాసుకొచ్చారు.