స్టార్హీరో విజయ్ దేవరకొండ నిర్మాతగా మారి తీస్తున్న తొలి సినిమా 'మీకు మాత్రమే చెప్తా'. 'పెళ్లి చూపులు'తో తనకు బ్రేక్ ఇచ్చిన దర్శకుడు తరుణ్ భాస్కర్ను.. ఈ చిత్రంతో కథానాయకుడిగా పరిచయం చేస్తున్నాడు. టీజర్ను శుక్రవారం విడుదల చేశారు. ఫోన్ గురించే మొత్తం ఉంటూ హాస్యభరిత సన్నివేశాలతో ప్రేక్షకుల్ని నవ్విస్తోంది.
"నీలాంటి వాళ్లు.. బ్రౌజరీ హిస్టరీ డిలీట్ చేస్తారు. కాల్ హిస్టరీ డిలీట్ చేస్తారు. వాట్సాప్ చాట్ డిలీట్ చేస్తారు. అన్ని దాచేసి దొరికిపోతే చీటింగ్ కాదంటారు","ప్లీజ్ నా గురించి తప్పుగా ఆలోచించొద్దు రా, బేసిగ్గా నేను మంచోడ్ని","పొగతాగడం, మద్యం సేవించడం, అబద్ధం ఆడటం ఆరోగ్యానికి హానికరం" అంటూ సాగే సంభాషణలు ఆలరిస్తున్నాయి.