టాలీవుడ్ ప్రిన్స్ మహేశ్బాబు నటిస్తోన్న 'సరిలేరు నీకెవ్వరు' చిత్రం నుంచి పవర్ఫుల్ లుక్ విడుదలైంది. ఇందులో కర్నూలు బురుజు ముందు గొడ్డలి పట్టుకొని కనిపించాడు ప్రిన్స్. ఈ సినిమాలో మహేశ్ సరసన రష్మిక మందణ్న కథానాయిక పాత్ర పోషిస్తోంది. విజయశాంతి, ప్రకాశ్‌రాజ్‌, నరేశ్‌, రమ్యకృష్ణ, రాజేంద్ర ప్రసాద్‌ తదితరులు కీలక పాత్రల్లో కనిపించనున్నారు.
దిల్‌రాజు, మహేశ్బాబు, రామబ్రహ్మం సుంకర సంయుక్తంగా నిర్మిస్తున్నారు. దేవిశ్రీ ప్రసాద్‌ బాణీలు అందిస్తున్నాడు. వచ్చే ఏడాది సంక్రాంతికి ఈ సినిమాను ప్రేక్షకుల ముందుకు తీసుకురావడానికి సన్నాహాలు చేస్తోంది చిత్రబృందం.