సూపర్ స్టార్ మహేశ్బాబు ఇటీవలే 'మహర్షి'తో హిట్ కొట్టాడు. వంశీ పైడిపల్లి ఆ చిత్రానికి దర్శకత్వం వహించాడు. సినిమా తీస్తున్నప్పుడే వీరిద్దరి మధ్య స్నేహం ఏర్పడింది. ఆ తర్వాత ప్రపంచకప్ చూసేందుకు కుటుంబాలతో సహా ఇంగ్లాండ్ వెళ్లారు. ఇప్పుడు వీరి కుమార్తెలు ఇద్దరూ కలిసి సొంతంగా యూట్యూబ్ ఛానెల్ను ప్రారంభించారు.
యూట్యూబ్ ఛానెల్ ప్రారంభించిన మహేశ్ కూతురు
హీరో మహేశ్బాబు కూతురు సితార, దర్శకుడు వంశీ పైడిపల్లి కుమార్తె ఆద్య కలిసి సొంతంగా యూట్యూబ్ ఛానెల్ ప్రారంభించారు. తొలి వీడియోతోనే నెటిజన్లను ఆకట్టుకుంటున్నారు.
యూట్యూబ్ ఛానెల్ ప్రారంభించిన మహేశ్ కూతురు
సితార-ఆద్య పేరుతో ఈ యూట్యూబ్ ఛానెల్ను బుధవారం లాంచ్ చేశారు. 'త్రీ మార్కర్ ఛాలెంజ్' పేరుతో తొలి వీడియోను అప్లోడ్ చేశారు. స్కెచ్ పెన్స్ ఆధారంగా ఈ గేమ్ రూపొందించారు. ఆటలో భాగంగా కళ్లకు గంతలు కట్టుకుని బ్యాగ్లోని మూడు స్కెచ్లు తీసి వాటితో ఓ డ్రాయింగ్ను పూర్తి చేయాలి. ఇందులో ఆడుతూ పాడుతూ సందడి చేసిన ఈ చిన్నారులు నెటిజన్లను ఆకట్టుకుంటున్నారు.
ఇది చదవండి: నీటి ఆదా కోసం దర్శకుడు నాగ్ అశ్విన్.. 'వన్ బకెట్ ఛాలెంజ్'