'ఆ కాఫీ తాగితే.. గుడిలో ప్రసాదం తిన్నట్లే'

'మహర్షి' సక్సెస్ మీట్​ మాతృదినోత్సవం రోజునే జరిగింది. హీరో మహేశ్​బాబు అమ్మతో తనకున్న అనుబంధాన్ని వివరించాడు. ఆమె చేసిన కాఫీ అంటే ఎంతో ఇష్టమని పేర్కొన్నాడు.

హైదరాబాద్​లో జరిగిన మహర్షి సక్సెస్ మీట్​లో మహేశ్​బాబు ఓ ఆసక్తికర విషయాన్ని పంచుకున్నాడు. అమ్మంటే దేవుడితో సమానమని.. తన ప్రతి సినిమా విడుదల ముందు ఆమె చేసిన కాఫీ తాగుతానని సంతోషంతో చెప్పాడీ 'మహర్షి'​​. అలా చేస్తే గుడిలో ప్రసాదం తిన్నట్లే ఉంటుందంటున్నాడీ టాలీవుడ్​ సూపర్​స్టార్​.