సూపర్ స్టార్ మహేశ్బాబు నటించిన 'సరిలేరు నీకెవ్వరు' టీజర్ యూట్యూబ్లో రికార్డులను సృష్టిస్తోంది. విడుదలైన 9 నిమిషాల్లోనే 1 మిలియన్ రియల్ టైం వ్యూస్ అందుకుంది. ప్రస్తుతం 1.2 కోట్ల వ్యూస్తో యూట్యూబ్ ఇండియా ట్రెండింగ్లో మొదటి స్థానంలో కొనసాగుతోంది.
ఇందులో మహేశ్ చెప్పిన 'మన దగ్గర బేరాల్లేవమ్మా..' అనే డైలాగ్ ప్రేక్షకుల చేత విజిల్స్ వేయిస్తోంది. ఆర్మీ నేపథ్య కథాంశంతో సాగే ఈ సినిమా వచ్చే ఏడాది జనవరి 11న ప్రేక్షకుల ముందుకు రానుంది.
'సరిలేరు నీకెవ్వరు' టీజర్ అద్భుతంగా ఉందని పలువురు సినీ ప్రముఖులు సోషల్‌మీడియా వేదికగా ప్రశంసలు కురిపిస్తున్నారు. మహేశ్ డైలాగ్స్ అదిరిపోయాయని, విజయశాంతి నటన అద్భుతంగా ఉందని అంటున్నారు. మహేశ్‌ను చాలా కాలం తర్వాత సరికొత్త లుక్లో చూశామని చెబుతున్నారు.
ఈ చిత్రంలో రష్మిక హీరోయిన్. ప్రకాశ్రాజ్, విజయశాంతి కీలక పాత్రలు పోషిస్తున్నారు. దేవిశ్రీ ప్రసాద్ సంగీతమందించాడు. అనిల్ రావిపుడి దర్శకుడు. దిల్‌రాజు, అనిల్ సుంకర, మహేశ్బాబు సంయుక్తంగా నిర్మించారు.
ఇవి కూడా చదవండి:'సరిలేరు నీకెవ్వరూ' నుంచి మరో సర్ప్రైజ్