నేడు మహర్షి మీ ముందుకొస్తున్నాడు...!

సూపర్​స్టార్ మహేశ్ నటించిన మహర్షి చిత్రం నేడు విడుదల కానుంది. పూజాహెగ్డే హీరోయిన్. అల్లరి నరేశ్ కీలక పాత్ర పోషిస్తున్న ఈ చిత్రానికి వంశీ పైడిపల్లి దర్శకుడు.

మహేశ్​ అభిమానులు ఎప్పుడెప్పుడా అని ఎదురుచూస్తున్న మహర్షి చిత్రం నేడుప్రపంచవ్యాప్తంగా విడుదల కానుంది. ఈ సినిమాలో పూజాహేగ్డె కథానాయిక. వంశీ పైడిపల్లి దర్శకుడు. అల్లరి నరేశ్ కీలక పాత్రలో నటిస్తున్న ఈ సినిమాను దిల్​ రాజు, అశ్వినిదత్ నిర్మిస్తున్నారు.

ఇప్పటికే విడుదలైన ట్రైలర్​ ప్రేక్షకుల్నీ విపరీతంగా ఆకట్టుకుంటోంది. దేవిశ్రీ ప్రసాద్ సంగీతమందించిన ఈ సినిమా మహేశ్​ 25వ చిత్రం. ఈ సినిమాలో మూడు రకాల పాత్రల్లో మెరిశాడు ప్రిన్స్​. ఇప్పటికే మహేశ్ లుక్స్​ సినిమాపై అంచనాలు అమాంతం పెంచేశాయి.

అశ్విని దత్​ నిర్మించిన జగదేక వీరుడు అతిలోక సుందరి, మహానటి సినిమాలు కూడా మే 9నే విడుదలై అద్భుత విజయాలను సొంతం చేసుకున్నాయి. ఇదే తరహాలో మహర్షి సినిమా కూడా ఘన విజయం సాధిస్తుందని అభిమానులు ఆశిస్తున్నారు.