"పాట వచ్చే క్రమంలో శ్రమ అనే మాటకు చోటు లేదు" అంటున్నారు ప్రముఖ గీత రచయిత సిరివెన్నెల సీతారామ శాస్త్రి. ఆయన ట్విటర్‌లోకి అడుగిడి సంవత్సరం దాటిన నేపథ్యంలో.. శనివారం 'ఆస్క్‌ సిరి వెన్నెల' పేరుతో నెటిజన్లతో కాసేపు చిట్‌చాట్‌ చేశారు. ఈ సందర్భంగా సినీప్రియులు అడిగిన పలు ప్రశ్నలకు సమాధానమిచ్చారు.
ఇన్నేళ్లుగా మిమ్మల్ని, మీ కలాన్ని నిరంతరాయంగా నడిపిస్తున్న స్ఫూర్తి ఏంటి?
సిరివెన్నెల: అత్యంత తీవ్రతతో ప్రతీ క్షణాన్ని గమనించడం, ప్రతీ నిమిషంతో స్పర్ధించడం. అదే నా ప్రేరణ.
రచయితకు ఉండాల్సిన తొలి లక్షణమేంటి?
సిరివెన్నెల: తానేం చెప్తున్నాడో, ఎందుకు చెప్తున్నాడో తనకు స్పష్టంగా తెలియడం.