*'లైగర్' సినిమాలో దిగ్గజ బాక్సర్ మైక్ టైనస్ నటిస్తున్నారు. ఇందులో భాగంగా ప్రస్తుతం చిత్రబృందం అమెరికాలో ఉంది. ఆయనపై కీలక సన్నివేశాల్ని తీస్తున్నారు. ఇందులో భాగంగా టైసన్తో తీసుకున్న ఫొటోల్ని నిర్మాత ఛార్మీ సోషల్ మీడియాలో పోస్ట్ చేసింది.
ఈ సినిమాలో విజయ్ దేవరకొండ బాక్సర్గా నటిస్తున్నారు. అనన్య పాండే హీరోయిన్. దర్శకుడు పూరీ జగన్నాథ్.. పాన్ ఇండియా స్థాయిలో ఈ చిత్రాన్ని తెరకెక్కిస్తున్నారు. పూరీ, ఛార్మీ సంయుక్తంగా నిర్మిస్తున్నారు. కరణ్ జోహార్ హిందీలో ఈ సినిమాను విడుదల చేయనున్నారు. వచ్చే ఏడాది వేసవిలో థియేటర్లలోకి 'లైగర్' వచ్చే అవకాశాలు కనిపిస్తున్నాయి.
*రాజ్తరుణ్ 'అనుభవించు రాజా' ట్రైలర్ వచ్చేసింది. కింగ్ నాగార్జున.. బుధవారం దీనిని రిలీజ్ చేశారు. ఆద్యంతం హాస్యభరితంగా ఉన్న ఈ ప్రచార చిత్రం.. సినిమాపై అంచనాల్ని పెంచుతోంది.
ఇందులో రాజ్తరుణ్ సెక్యూరిటీ గార్డ్గా నటించారు. కశిష్ ఖాన్ హీరోయిన్గా చేసింది. శ్రీను గవిరెడ్డి దర్శకత్వం వహించారు. సుప్రియ యార్లగడ్డ నిర్మాతగా వ్యవహరించారు. పల్లెటూరి నేపథ్యంగా తీసిన ఈ సినిమా.. నవంబరు 26న థియేటర్లలోకి రానుంది.