- ఈ ఏడాది సంక్రాంతి సీజన్లో విడుదలైన క్రాక్ చిత్రం.. బాక్సాఫీసు వద్ద ఘనవిజయం సాధించింది. ఈ చిత్రాన్ని జనవరి నెలాఖరున 'ఆహా' ఓటీటీలో విడుదల చేయనున్నట్లు ప్రచారం జరిగింది. అయితే ఈ విషయంపై సదరు ఓటీటీ సంస్థ స్పష్టత ఇచ్చింది. 'క్రాక్'ను ప్రేక్షకులు థియేటర్లలో ఆదరిస్తున్న నేపథ్యంలో సినిమాను ఓటీటీలో ప్రసారం చేయడం సరికాదని 'ఆహా' అభిప్రాయపడింది. దీంతో అనుకున్న తేదీ కంటే వారం రోజుల తర్వాత అంటే ఫిబ్రవరి 5న 'క్రాక్' చిత్రాన్ని డిజిటల్ ప్లాట్ఫామ్లో అందుబాటులోకి తీసుకురానున్నట్లు సోమవారం ఓ ప్రకటన ద్వారా తెలియజేసింది. 'క్రాక్' సినిమా ఓటీటీ రిలీజ్ పోస్టర్
- సూపర్స్టార్ రజనీకాంత్ ప్రధానపాత్రలో తెరకెక్కుతోన్న చిత్రం 'అణ్ణాత్తే'. ఈ చిత్రాన్ని ఈ ఏడాది నవంబరు 4న ప్రేక్షకుల ముందుకు తీసుకురానున్నట్లు చిత్రబృందం ప్రకటించింది.
- యువ కథానాయకుడు సుశాంత్ హీరోగా తెరకెక్కుతోన్న చిత్రం 'ఇచ్చట వాహనాలు నిలుపరాదు'. ఈ సినిమా టీజర్ను జనవరి 29న విడుదల చేయనున్నట్లు సుశాంత్ సోషల్మీడియాలో వెల్లడించారు.
- హాకీ నేపథ్యంతో టాలీవుడ్లో రూపొందుతోన్న తొలిచిత్రం 'ఏ1 ఎక్స్ప్రెస్'. ఇందులో సందీప్ కిషన్, లావణ్య త్రిపాఠి హీరోహీరోయిన్లుగా నటిస్తున్నారు. ఈ చిత్ర టీజర్ను గణతంత్ర దినోత్సవం సందర్భంగా జనవరి 26న సాయంత్రం 4.44 గంటలకు విడుదల చేయనున్నారు.
- నూతన నటీనటులు అనురాగ్, ముస్కాన్ సేథి నటిస్తున్న చిత్రం 'రాధాకృష్ణ'. ఈ సినిమాను ఫిబ్రవరి 5న విడుదల చేయనున్నట్లు చిత్రబృందం ప్రకటించింది.